Die 2 Maji 2026.
Duplex II. Classis.
Aperi Dómine os meum ad benedicéndum nomen sanctum tuum: munda quoque cor meum ab ómnibus vanis, pervérsis et aliénis cogitatiónibus: intelléctum illúmina, afféctum inflámma, ut digne, atténte ac devóte hoc Offícium recitáre váleam, et exaudíri mérear ante conspéctum divínæ Majestátis tuæ. Per Christum Dóminum nostrum. Amen.
Dómine in unióne illíus divínæ intentiónis, qua ipse in terris laudes Deo persolvísti, has tibi Horas persólvo.
Open, Heer, mijn mond om uw heilige Naam lof te zingen; zuiver ook mijn hart van alle ijdele, slechte en verstrooiende gedachten; verlicht mijn verstand, ontvlam mijn hart, opdat ik waardig, aandachtig en met toewijding dit officie kan bidden en verhoring moge vinden voor het aanschijn van uw goddelijke Majesteit. Door Christus onzen Heer. Amen.
Heer, in vereniging met die goddelijke mening, waarmede Gij zelf op aarde God lof hebt gebracht, wil ik deze getijden voor U verrichten
Dicuntur secreto.
Pater noster, qui es in cœlis: sanctificétur nomen tuum: advéniat regnum tuum: fiat volúntas tua, sicut in cœlo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.
Onze Vader, die in de hemel zijt: uw Naam worde geheiligd, uw rijk kome, uw wil geschiede op aarde zoalsin de hemel. Geef ons heden ons dagelijks brood, en vergeef ons onze schulden, zoals ook wij vergeven aan onze schuldenaren; en leid ons niet in bekoring, maar verlos ons van het kwade. Amen.
Ave María, grátia plena, Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.
Wees gegroet, Maria, vol van genade, de Heer is met u. Gij zijt de gezegende onder de vrouwen en gezegend is Jezus, de vrucht van uw schoot. Heilige Maria, Moeder van God, bid voor ons, zondaars, nu en in het uur van onze dood. Amen.
Deinde clara voce:
℣. Deus ✠ in adjutórium meum inténde.
℟. Dómine ad adjuvándum me festína.
Glória Patri, et Fílio, et Spirítui sancto.
Sicut erat in princípio, et nunc, et semper, et in sǽcula sæculórum. Amen. Allelúja.
℣. God, kom mij te hulp
℟. Heer, haast u mij te helpen
Eer aan de Vader en de Zoon en de heilige Geest.
Zoals het was in het begin en nu en altijd en in de eeuwen der eeuwen. Amen. Alleluia
O magnum pietátis opus: * mors mórtua tunc est, in ligno quando mórtua vita fuit, allelúja.
Psalmus 109.
Dixit Dóminus Dómino meo: * Sede a dextris meis:
2 Donec ponam inimícos tuos, * scabéllum pedum tuórum.
3 Virgam virtútis tuæ emíttet Dóminus ex Sion: * domináre in médio inimicórum tuórum.
4 Tecum princípium in die virtútis tuæ in splendóribus sanctórum: * ex útero ante lucíferum génui te.
5 Jurávit Dóminus, et non pœnitébit eum: * Tu es sacérdos in ætérnum secúndum órdinem Melchísedech.
6 Dóminus a dextris tuis, * confrégit in die iræ suæ reges.
7 Judicábit in natiónibus, implébit ruínas: * conquassábit cápita in terra multórum.
8 De torrénte in via bibet: * proptérea exaltábit caput.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
O magnum pietátis opus: mors mórtua tunc est, in ligno quando mórtua vita fuit, allelúja.
Salva nos * Christe Salvátor per virtútem Crucis: qui salvásti Petrum in mari, miserére nobis, allelúja.
Psalmus 110.
Confitébor tibi Dómine in toto corde meo: * in consílio justórum, et congregatióne.
2 Magna ópera Dómini: * exquisíta in omnes voluntátes ejus.
3 Conféssio et magnificéntia opus ejus: * et justítia ejus manet in sǽculum sǽculi.
4 Memóriam fecit mirabílium suórum, † miséricors et miserátor Dóminus: * escam dedit timéntibus se.
5 Memor erit in sǽculum testaménti sui: * virtútem óperum suórum annuntiábit pópulo suo:
6 Ut det illis hæreditátem Géntium: * ópera mánuum ejus véritas, et judícium.
7 Fidélia ómnia mandáta ejus: † confirmáta in sǽculum sǽculi, * facta in veritáte et æquitáte.
8 Redemptiónem misit pópulo suo: * mandávit in ætérnum testaméntum suum.
9 (Fit reverentia) Sanctum, et terríbile nomen ejus: * inítium sapiéntiæ timor Dómini.
10 Intelléctus bonus ómnibus faciéntibus eum: * laudátio ejus manet in sǽculum sǽculi.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
Salva nos Christe Salvátor per virtútem Crucis: qui salvásti Petrum in mari, miserére nobis, allelúja.
Ecce Crucem Dómini, * fúgite partes advérsæ, vicit leo de tribu Juda, radix David, allelúja.
Psalmus 111.
Beátus vir, qui timet Dóminum: * in mandátis ejus volet nimis.
2 Potens in terra erit semen ejus: * generátio rectórum benedicétur.
3 Glória, et divítiæ in domo ejus: * et justítia ejus manet in sǽculum sǽculi.
4 Exórtum est in ténebris lumen rectis: * miséricors, et miserátor, et justus.
5 Jucúndus homo qui miserétur et cómmodat, † dispónet sermónes suos in judício: * quia in ætérnum non commovébitur.
6 In memória ætérna erit justus: * ab auditióne mala non timébit.
7 Parátum cor ejus speráre in Dómino, † confirmátum est cor ejus: * non commovébitur donec despíciat inimícos suos.
8 Dispérsit, dedit paupéribus: † justítia ejus manet in sǽculum sǽculi, * cornu ejus exaltábitur in glória.
9 Peccátor vidébit, et irascétur, † déntibus suis fremet et tabéscet: * desidérium peccatórum períbit.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
Ecce Crucem Dómini, fúgite partes advérsæ, vicit leo de tribu Juda, radix David, allelúja.
Nos autem gloriári * opórtet in Cruce Dómini nostri Jesu Christi, allelúja.
Psalmus 112.
Laudáte púeri Dóminum: * laudáte nomen Dómini.
2 (Fit reverentia) Sit nomen Dómini benedíctum, * ex hoc nunc, et usque in sǽculum.
3 A solis ortu usque ad occásum, * laudábile nomen Dómini.
4 Excélsus super omnes Gentes Dóminus, * et super cœlos glória ejus.
5 Quis sicut Dóminus Deus noster, qui in altis hábitat, * et humília réspicit in cœlo et in terra?
6 Súscitans a terra ínopem, * et de stércore érigens paúperem:
7 Ut cóllocet eum cum princípibus, * cum princípibus pópuli sui.
8 Qui habitáre facit stérilem in domo, * matrem filiórum lætántem.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
Nos autem gloriári opórtet in Cruce Dómini nostri Jesu Christi, allelúja.
Per signum Crucis * de inimícis nostris líbera nos Deus noster, allelúja.
Psalmus 116.
Laudáte Dóminum omnes Gentes: * laudáte eum omnes pópuli:
2 Quóniam confirmáta est super nos misericórdia ejus: * et véritas Dómini manet in ætérnum.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
Per signum Crucis de inimícis nostris líbera nos Deus noster, allelúja.
Capitulum. Philipp. 2.
Fratres: Hoc enim sentíte in vobis, quod et in Christo Jesu: qui cum in forma Dei esset, non rapínam arbitrátus est esse se æquálem Deo: † sed semetípsum exinanívit, formam servi accípiens, in similitúdinem hóminum factus, * et hábitu invéntus ut homo.
℟. Deo grátias.
℟. Gode zij dank.
Hymnus.
Vexílla regis pródeunt:
Fulget Crucis mystérium,
Qua vita mortem pértulit,
Et morte vitam prótulit.
Quæ vulneráta lánceæ
Mucróne diro, críminum
Ut nos laváret sórdibus,
Manávit unda, et sánguine.
Impléta sunt quæ cóncinit
David fidéli cármine,
Dicéndo natiónibus:
Regnávit a ligno Deus.
Arbor decóra et fúlgida,
Ornáta regis púrpura,
Elécta digno stípite
Tam sancta membra tángere.
Beáta, cujus bráchiis
Prétium pepéndit sǽculi,
Statéra facta córporis,
Tulítque prædam tártari.
O Crux ave spes única,
Paschále quæ fers gaúdium
Piis adaúge grátiam,
Reísque dele crímina.
Te, fons salútis Trínitas,
Collaúdet omnis spíritus:
Quibus Crucis victóriam
Largíris, adde prǽmium.
Amen.
Versiculus.
℣. Hoc signum Crucis erit in cœlo, allelúja.
℟. Cum Dóminus ad judicándum vénerit, allelúja.
O Crux, * splendídior cunctis astris, mundo célebris, homínibus multum amábilis, sánctior univérsis: quæ sola fuísti digna portáre taléntum mundi: dulce lignum, dulces clavos, dúlcia ferens póndera: salva præséntem catérvam in tuis hódie laúdibus congregátam, allelúja, allelúja.
Magnificat.
Magníficat ✠ * ánima mea Dóminum:
2 Et exsultávit spíritus meus * in Deo salutári meo.
3 Quia respéxit humilitátem ancíllæ suæ: * ecce enim ex hoc beátam me dicent omnes generatiónes.
4 Quia fecit mihi magna qui potens est: * et sanctum nomen ejus.
5 Et misericórdia ejus a progénie in progénies * timéntibus eum.
6 Fecit poténtiam in bráchio suo: * dispérsit supérbos mente cordis sui.
7 Depósuit poténtes de sede, * et exaltávit húmiles.
8 Esuriéntes implévit bonis: * et dívites dimísit inánes.
9 Suscépit Israël púerum suum, * recordátus misericórdiæ suæ.
10 Sicut locútus est ad patres nostros, * Abraham, et sémini ejus in sǽcula.
Glória Patri, et Fílio, * et Spirítui sancto.
Sicut erat in princípio, et nunc, et semper: * et in sǽcula sæculórum. Amen.
O Crux, splendídior cunctis astris, mundo célebris, homínibus multum amábilis, sánctior univérsis: quæ sola fuísti digna portáre taléntum mundi: dulce lignum, dulces clavos, dúlcia ferens póndera: salva præséntem catérvam in tuis hódie laúdibus congregátam, allelúja, allelúja.
℣. Dóminus vobíscum.
℟. Et cum spíritu tuo.
℣. De Heer zij met u.
℟. En met uw geest.
Orémus.
Laat ons bidden.
Deus, qui in præclára salutíferæ Crucis inventióne, passiónis tuæ mirácula suscitásti: † concéde; ut vitális ligni prétio, * ætérnæ vitæ suffrágia consequámur.
Qui vivis et regnas cum Deo Patre, in unitáte Spíritus sancti Deus, * per ómnia sǽcula sæculórum.
℟. Amen.
Gij die leeft en heerst met God den Vader in de eenheid van den Heiligen Geest, God, door alle eeuwen der eeuwen.
℟. Amen.
S. Athanasii Ep. Conf. et Eccl. Doct.
O Doctor óptime, * Ecclésiæ sanctæ lumen, beáte Athanási, divínæ legis amátor, deprecáre pro nobis Fílium Dei, allelúja.
℣. Justum dedúxit Dóminus per vias rectas, allelúja.
℟. Et osténdit illi regnum Dei, allelúja.
Orémus.
Laat ons bidden.
Exaúdi quǽsumus Dómine preces nostras, quas in beáti Athanásii Confessóris tui atque Pontíficis solemnitáte deférimus: † et qui tibi digne méruit famulári, ejus intercedéntibus méritis * ab ómnibus nos absólve peccátis.
Dominica IV post Pascha.
Vado ad eum * qui misit me: et nemo ex vobis intérrogat me: Quo vadis? allelúja, allelúja.
℣. Mane nobíscum Dómine, allelúja.
℟. Quóniam advesperáscit, allelúja.
Orémus.
Laat ons bidden.
Deus, qui fidélium mentes uníus éfficis voluntátis: † da pópulis tuis id amáre quod prǽcipis, id desideráre quod promíttis; * ut inter mundánas varietátes ibi nostra fixa sint corda, ubi vera sunt gaúdia.
Ss. Alexandri I Papa Eventii et Theoduli Mm. ac Juvenalis Ep. et Conf.
Sacérdos et Póntifex, * et virtútum ópifex, pastor bone in pópulo, ora pro nobis Dóminum, allelúja.
℣. Amávit eum Dóminus, et ornávit eum, allelúja.
℟. Stolam glóriæ índuit eum, allelúja.
Orémus.
Laat ons bidden.
Præsta quǽsumus omnípotens Deus: * ut qui sanctórum tuórum Alexándri, Evéntii, Theodúli, atque Juvenális natalítia cólimus, a cunctis malis imminéntibus, eórum intercessiónibus liberémur.
Per Dóminum nostrum Jesum Christum Fílium tuum: † Qui tecum vivit et regnat in unitáte Spíritus sancti Deus, * per ómnia sǽcula sæculórum.
℟. Amen.
Door onzen Heer Jesus Christus uw Zoon, die met U leeft en heerst in de eenheid des Heiligen Geestes, God, door alle eeuwen der eeuwen.
℟. Amen.
℣. Dóminus vobíscum.
℟. Et cum spíritu tuo.
℣. De Heer zij met u.
℟. En met uw geest.
Benedicámus Dómino.
Deo grátias.
Zegenen wij den Heer.
Gode zij dank.
Fidélium ánimæ per misericórdiam Dei requiéscant in pace.
℟. Amen.
Dat de zielen der overleden gelovigen door de barmhartigheid Gods rusten in vrede.
℟. Amen.
Dicitur secreto.
Pater noster, qui es in cœlis: sanctificétur nomen tuum: advéniat regnum tuum: fiat volúntas tua, sicut in cœlo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.
Onze Vader, die in de hemel zijt: uw Naam worde geheiligd, uw rijk kome, uw wil geschiede op aarde zoalsin de hemel. Geef ons heden ons dagelijks brood, en vergeef ons onze schulden, zoals ook wij vergeven aan onze schuldenaren; en leid ons niet in bekoring, maar verlos ons van het kwade. Amen.
Deinde si discedendum sit a Choro, dicitur Antiphona B.M.V.
℣. Dóminus det nobis suam pacem.
℟. Et vitam ætérnam. Amen.
Regína cœli * lætáre, allelúja,
Quia quem meruísti portáre, allelúja,
Resurréxit, sicut dixit, allelúja,
Ora pro nobis Deum, allelúja.
℣. Gaude et lætáre Virgo María, allelúja.
℟. Quia surréxit Dóminus vere, allelúja.
Orémus.
Deus, qui per resurrectiónem Fílii tui Dómini nostri Jesu Christi mundum lætificáre dignátus es: † præsta, quǽsumus; ut per ejus Genitrícem Vírginem Maríam * perpétuæ capiámus gaúdia vitæ.
Per eúmdem Christum Dóminum nostrum.
℟. Amen.
Door denzelfden Christus onzen Heer.
℟. Amen.
Divínum auxílium ✠ máneat semper nobíscum.
℟. Amen.
Moge Gods hulp voortdurend met ons blijven.
℟. Amen.
Sacrosánctæ et indivíduæ Trinitáti, crucifíxi Dómini nostri Jesu Christi humanitáti, beatíssimæ et gloriosíssimæ sempérque Vírginis Maríæ fœcúndæ integritáti, et ómnium Sanctórum universitáti sit sempitérna laus, honor, virtus et glória ab omni creatúra, nobísque remíssio ómnium peccatórum, per infiníta sǽcula sæculórum. Amen.
℣. Beáta víscera Maríæ Vírginis, quæ portavérunt ætérni Patris Fílium.
℟. Et beáta úbera, quæ lactavérunt Christum Dóminum.
Aan de allerheiligste Drievuldigheid, één in wezen; aan de mensheid van onzen gekruisigden Heer Jesus Christus; aan de zeer heilige en roemrijke, altijddurende en vruchtbare ongeschondenheid van de Maagd Maria; en aan geheel de menigte der heiligen, zij eeuwige lof, eer, macht en heerlijkheid gebracht door ieder schepsel; en ons worde vergiffenis geschonken van al onze zonden; door de ongemeten eeuwen der eeuwen. Amen.
Gelukkig de schoot van de Maagd Maria, die den Zoon van den eeuwigen Vader heeft gedragen.
En gelukkig de borsten, welke Christus den Heer hebben gevoed.
Pater noster, qui es in cœlis: sanctificétur nomen tuum: advéniat regnum tuum: fiat volúntas tua, sicut in cœlo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.
Onze Vader, die in de hemel zijt: uw Naam worde geheiligd, uw rijk kome, uw wil geschiede op aarde zoalsin de hemel. Geef ons heden ons dagelijks brood, en vergeef ons onze schulden, zoals ook wij vergeven aan onze schuldenaren; en leid ons niet in bekoring, maar verlos ons van het kwade. Amen.
Ave María, grátia plena, Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.
Wees gegroet, Maria, vol van genade, de Heer is met u. Gij zijt de gezegende onder de vrouwen en gezegend is Jezus, de vrucht van uw schoot. Heilige Maria, Moeder van God, bid voor ons, zondaars, nu en in het uur van onze dood. Amen.